⚡️Beruniy rayonınıń oraylıq kóshesinde keń kólemli qurılıs jumısları alıp barılmaqta

Mámleketimizde jol-transport infrastrukturasın rawajlandırıw, xalıq ushın qáwipsiz hám qolaylı háreketleniw sharayatların jaratıw baǵdarında izbe-iz jumıslar ámelge asırılmaqta.

Atap aytqanda, Beruniy rayonı Beruniy kóshesi boylap ótiwshi D154 (4R171a) ” A380 avtomobil jolınıń 632-kilometrinen Beruniy qalasına” avtomobil jolınıń 5—6-kilometr aralıǵında keń kólemli qurılıs-ońlaw jumısları alıp barılmaqta.

Joybar sheńberinde aldın 10 metr bolǵan jol keńligi 15 metrge jetkeriledi, sonday-aq, jol boyında túngi jaqtılandırıw shıraqların ornatıw hám piyadalar jolların qurıw jumısları da ámelge asırıladı.

Bul jańalanıwlar transport háreketi qáwipsizligi hám qolaylılıǵın arttırıw menen birge, aymaq infrastrukturasın jaqsılaw, ekonomikalıq jedellikti xoshametlew hám xalıqtıń turmıs sapasın arttırıwǵa xızmet etedi.