⚡️Prezidentimizdiń PQ-132-sanlı qararı ámelde

Ózbekstan Respublikası Prezidentiniń 2025-jıl 1-apreldegi “Respublika aymaqların jedel kompleksli rawajlandırıw ushın tańlap alınǵan rayon (qala) larda ámeliy ilajlardı ámelge asırıw haqqında”ǵı PQ-132 sanlı qararına tiykarlanıp, Qońırat rayonın 2025-2026-jıllarda jedel kompleksli rawajlandırıw baǵdarlaması sheńberinde keń kólemli jumıslar alıp barılmaqta.

Qońırat rayonı aymaǵınan ótiwshi 95V144 “D231 avtomobil jolı (4 km.den) – “Ravshan” APJ – “Saksaulsoy” APJ avtomobil jolınıń 0 – 1-km aralıǵında asfaltlaw jumısları alıp barılmaqta. Bul jumıslar Qońırat rayonı Jollardan paydalanıw mámleketlik shólkemi tárepinen ámelge asırılmaqta.

Bul ámelge asırılıp atırǵan jumıslardıń nátiyjesinde aymaqta jol infrastrukturası jaqsılanıp, xalıq hám transport qatnawı ushın qolaylıqlar jaratıladı jáne háreket qáwipsizligi jáne de arttırıladı.