⚡️RÁSMIY MAĜLÍWMAT

A380 “Ǵuzar-Buxara-Nókis-Beynew” avtomobil jolınıń 673-674-kilometrinde sel keliwi aqıbetinde suw tasıwı júzege kelgen bolıp, bul jaǵday boyınsha Beruniy RJPMSH tárepinen saplastırıw jumısları alıp barılmaqta. Jumıs procesine 5 arnawlı texnika hám 10 jumısshı tartılǵan. Házirgi waqıtta avtomobil jolında háreket tiklengen bolıp, sel aqıbetinen zıyan kórgen uchastkalarda háreket qáwipsizligin támiyinlew boyınsha zárúr ilajlar kórilmekte.

Sonday-aq, D239 avtomobil jolınıń (A380 “Ǵuzar-Buxara-Nókis-Beynew” avtomobil jolı, 661 km) Qızılqala awılı – Bostan qalası – Gúldursun awılı – Tórtkúl qalası jónelisindegi 9-10-kilometr aralıǵında joldıń oń tárepinde jaylasqan jol sheti sel aǵısı tásirinde juwılǵan. Usı aymaqta Ellikqala RJPMSH tárepinen háreket qáwipsizligin támiyinlew boyınsha tiyisli jumıslar alıp barılmaqta. Processke 5 arnawlı texnika hám 6 jumısshı tartılǵan. Házirgi waqıtta avtomobil jolı jabılmaǵan bolıp, transport qurallarınıń háreketi úzliksiz dawam etpekte.