❗️JEDEL XABARLANDÍRÍW❗️

Sel aqıbetinde ayırım avtomobil jollarında suw tasıwı hám jol qatnaw bóleginde suw toplanıw jaǵdayları baqlanbaqta.

Bul jaǵday keskin hawa-rayı sharayatı hám kúshli jawın-shashın nátiyjesinde júzege kelip, ayırım jol uchastkalarında transport háreketine qolaysızlıqlar keltirip shıǵarmaqta.

Házirgi waqıtta jaǵday tezlik penen qadaǵalawǵa alınıp, Qaraqalpaqstan Respublikası Avtomobil jolları Bas basqarması tárepinen arnawlı isshi topar dúzilgen. Bul isshi topar tárepinen suwdı saplastırıw, jol qatnaw bólegin jedel tiklew hám háreket qáwipsizligin támiyinlew boyınsha zárúr ilajlar kórilmekte.

Házirgi waqıtta aymaqlarda arnawlı texnikalar tartılǵan halda suwdı shıǵarıw hám aqıbetlerin saplastırıw jumısları alıp barılmaqta.

Avtotransport basqarıwshılarınan sergek bolıwı, saqlıq ilajların kóriwi hám jol belgileri hám juwapkerlerdiń kórsetpelerine qatań ámel etiwi soraladı.