⚡️A380 avtomobil jolında alıp barılıp atırǵan qurılıs jumısları úyrenildi

Húrmetli Prezidentimizdiń tapsırması menen Qaraózek hám Beruniy rayonları aymaǵınan ótetuǵın A380 “Ǵuzar-Buxara-Nókis-Beynew” avtomobil jolınıń 673-698-km (25 km) bólegin Aziya rawajlanıw bankiniń qatnasıwında cement-beton qaplama menen rekonstrukciyalaw belgilengen edi. Usı tiykarda búgingi kúnde qurılıs jumısları alıp barılmaqta.

Qurılıs procesiniń barısı Avtomobil jolları komitetiniń baslıǵı J.Tursunov hám Qaraqalpaqstan Respublikası Avtomobil jolları Bas basqarmasınıń baslıǵı U.Matnazarovtıń qatnasıwında ornında úyrenildi. Juwapkerler tárepinen belgilengen norma hám sapa talaplarına ámel etiliwi ayrıqsha itibar menen kózden ótkerildi. Jumıslardı grafik tiykarında alıp barıw boyınsha jumıstı bólip alıp islewshilerge tiyisli kórsetpeler berildi.