⚡️RÁSMIY MÚNÁSIBET

Kúni keshe sociallıq tarmaqlardıń birinde Nókis qalası aymaǵındaǵı D234 (4R176A) “Nókis temir jol vokzalına” (A. Dosnazarov kóshesi) avtomobil jolınıń 9—10-km aralıǵında qaplamada payda bolǵan kemshilik boyınsha múrájat tarqalǵan edi.

Bul jaǵday Qaraqalpaqstan Respublikası Avtomobil jolları Bas basqarması tárepinen qadaǵalawǵa alınıp, úyreniw jumısları alıp barıldı.

Anıqlanǵan kemshiliklerdi saplastırıw maqsetinde bul aymaqta 3 kún múddette ońlaw jumısları alıp barılıwı belgilendi.

Házirgi waqıtta zárúr shólkemlestiriwshilik hám texnikalıq ilajlar kórilmekte. Belgilengen múddetlerde jumıslardıń sapalı hám óz waqtında juwmaqlanıwı támiyinlenedi.

Ońlaw jumıslarınıń barısı hámde juwmaqlawshı nátiyjeleri boyınsha tolıq maǵlıwmatlardı Qaraqalpaqstan Respublikası Avtomobil jolları Bas basqarmasınıń rásmiy betleri (https://t.me/qaraqalpaq_avtojol) arqalı baqlap barıwıńız múmkin.