️ RÁSMIY MÚNÁSIBET

️ Sociallıq tarmaqlarda tarqalǵan videomúrájat boyınsha Qaraqalpaqstan Respublikası Avtomobil jolları bas basqarması tómendegilerdi málim etedi.

Bul múrájatta kórsetilgen jaǵday A380 “Ǵuzar-Buxara-Nókis-Beynew” avtomobil jolınıń Tórtkúl rayonı aymaǵınan ótken 559-560-kilometr bólegine tuwra keledi.

Jol háreketi qáwipsizligin támiyinlew maqsetinde bul aymaqta waqtınsha asfalt qaplamasın tósew jumısları ámelge asırıldı. Sonıń menen birge, bul jol bólegi beton qaplamadan ibarat bolǵanlıǵı sebepli, házirgi waqıtta beton qaplamanı tiklew boyınsha zárúr texnikalıq jumıslar alıp barılıp atırǵanlıǵın málim etemiz.

Bunnan tısqarı, jol háreketi qáwipsizligin támiyinlew hám transport quralları ushın qolaylı sharayat jaratıw boyınsha barlıq zárúr ilajlar kórilmekte.