⚡️Jolshı hayal-qızlar arasında shaxmat-shashka jarısı bolıp ótti

8-mart – Xalıqaralıq hayal-qızlar bayramı múnásibeti menen hám usı jıldıń 15-fevralınan 15-martına shekem “Hayal-qızlardı qádirlew aylıǵı” sheńberinde Ministrler Kabinetiniń tiyisli bayanatınıń orınlanıwın támiyinlew maqsetinde sistemalı ilajlar ámelge asırılmaqta.

Usı tiykarda, Qaraqalpaqstan Respublikası Avtomobil jolları Bas basqarması sistemasındaǵı hayal-qızlar arasında sporttıń shaxmat-shashka túrleri boyınsha Qanlıkól rayonında jarıs shólkemlestirildi.

Onda Xojeli, Shomanay, Qanlıkól, Moynaq, Qońırat RJPMSh hám Qońırat rayonları jollardan turaqlı paydalanıw mámleketlik mákemeleriniń xızmetkerleri óz-ara kúsh sınastı. Bellesiwler qızǵın hám mawasasız ruwxta ótti.

Juwmaqlawshı nátiyjeler boyınsha:

🥇 1-orın – Dinara Sabitova (Qońırat RJPMSh)
🥈 2-orın – Guzlar Nurımbetova (Qońırat JTPMSh)
🥉 3-orın – Malika Sdikova (Shomanay RJPMSh)

Jeńimpaz hám sıylı orın iyeleri shólkemlestiriwshiler tárepinen múnásip sıylıqlandı.

Atap ótiw orınlı, bunday sport hám mádeniy-aǵartıwshılıq ilajlar sistemadaǵı basqa aymaqlarda da dawam ettiriledi.

Sport – salamatlıq hám awızbirshilik tımsalı!
Bayramıńız múbárek bolsın, áziz hám húrmetli hayal-qızlar!