⚡️Jol háreketi qáwipsizligin támiyinlew máseleleri dodalandı

Qaraqalpaqstan Respublikası Avtomobil jolları Bas basqarmasında jol háreketi qáwipsizligin támiyinlew hám avtomobil jollarında háreket qáwipsizligin bunnan bılay da arttırıw máselelerine baǵıshlanǵan ushırasıw bolıp ótti.

Bul ushırasıwda Qaraqalpaqstan Respublikası Aralboyı transport prokurorı D. Madenov, Qaraqalpaqstan Respublikası IIM JHQB baslıǵı Sh. Abudunazarov hám Basqarma baslıǵı U.Matnazarov qatnastı.

Ushırasıw dawamında aymaqtaǵı avtomobil jollarında háreket qáwipsizligin támiyinlew, jol-transport hádiyseleriniń aldın alıw, jol infrastrukturasın bunnan bılay da jetilistiriw hám profilaktikalıq ilajlardı kúsheytiw máseleleri hár tárepleme dodalandı.

Sonday-aq, juwapker shólkemler arasında birge islesiwdi bekkemlew, jollarda qáwipsizlik talaplarına ámel etiliwin qadaǵalaw hám xalıqtıń jol háreketi qaǵıydalarına sanalı múnásibetin qáliplestiriw boyınsha aldaǵı wazıypalar belgilep alındı.

Ushırasıw juwmaǵında jol háreketi qáwipsizligin támiyinlew baǵdarındaǵı jumıslardı sistemalı túrde dawam ettiriw boyınsha tiyisli tapsırmalar berildi.