⚡️ Shımbay rayonında ishki kósheler asfaltlanbaqta

Shımbay rayonı “Berdaq” MPJ aymaǵındaǵı Kúnxoja kóshesin asfaltlaw jumıslarına tayarlıq kórilmekte. Házirgi waqıtta kóshede joldıń tiykarǵı qatlamın bekkemlew maqsetinde sheben tósew jumısları ámelge asırılmaqta.

Bul joybar “Baslamalı byudjet” baǵdarlamasınıń 2025-jıl 2-máwsiminde jeńimpaz dep tabılǵan bolıp, xalıqtıń baslaması tiykarında jol infrastrukturasın jaqsılawǵa qaratılǵan.

Obyekt buyırtpashısı sıpatında Qaraqalpaqstan Respublikası Aymaqlıq jollarǵa buyırtpashı xızmeti mámleketlik shólkemi jumıs alıp barmaqta. Qurılıs jumısları bolsa “Qońırat Izvest Invest” JShJ tárepinen orınlanbaqta.

Ámelge asırılıp atırǵan jumıslar juwmaqlanǵannan soń, Kunxoja kóshesinde háreketleniw qolaylıǵı hám qáwipsizligi jáne de jaqsılanadı jáne máhálle xalqı ushın zamanagóy hám sapalı jol infrastrukturası jaratıladı.