⚡️Korrupciyaǵa qarsı gúresiw máseleleri boyınsha rayonlıq shólkemler menen ushırasıw ótkerildi

Ózbekstan Respublikası Prezidentiniń Oliy Majlis hám Ózbekstan xalqına jollaǵan Múrájatında belgilengen tiykarǵı wazıypalar hám 2025-jıl 30-dekabrdegi “Ózbekstan Respublikasında korrupciyanıń aldın alıw hám oǵan qarsı gúresiw sistemasın bunnan bılay da jetilistiriw haqqında”ǵı PP-270-sanlı Pármanınıń orınlanıwın támiyinlew maqsetinde Xojeli, Shomanay hám Qanlıkól rayonı Jollardan paydalanıw mámleketlik shólkemlerinde ushırasıw ótkerildi.

Ushırasıwda Qaraqalpaqstan Respublikası Avtomobil jolları Bas basqarmasınıń korrupciyaǵa qarsı ishki qadaǵalaw boyınsha bas qánigesi A. Uzaqbergenov hám jumısshı xızmetkerleri qatnastı.

Ushırasıw dawamında korrupciyaǵa qarsı gúresiw tarawında belgilengen tiykarǵı baǵdarlar, mámleketlik uyımlar hám shólkemlerdiń juwapkershiligi, sonday-aq, ámeldegi nızamshılıq hújjetlerinde názerde tutılǵan talaplardıń mazmun-mánisi keńnen sáwlelendirildi.

Sonday-aq, qatnasıwshılarǵa korrupciyalıq qáwip-qáterlerdiń aldın alıw, jumısta ashıq-aydınlıqtı támiyinlew, xızmet wazıypaların orınlawda nızam ústinligine qatań ámel etiw boyınsha ámeliy usınıslar berildi.