⚡️Ayırım aymaqlarda qar jawıwı sebepli jollarda qáwipsizlik ilajları kúsheytildi

Qońırat rayonı aymaǵındaǵı “Qaraqalpaqstan” hám “Jaslıq” posyolkalarında qar jawıwı baqlanbaqta. Bunday hawa-rayı sharayatında avtomobil jollarında muzlaqlar payda bolıw itimalı bar.

Jol háreketi qáwipsizligin támiyinlew maqsetinde Qaraqalpaqstan Respublikası Avtomobil jolları Bas basqarması quramındaǵı Qıpshaq jollardan turaqlı paydalanıw mámleketlik mákemesi tárepinen A380 “Ǵuzar-Buxara-Nókis-Beynew” avtomobil jolında zárúr ilajlar kórilmekte. Sonıń ishinde, avtomobil jollarına qum-duz aralaspasın sebiw jumısları alıp barılmaqta.

❗️Húrmetli aydawshılar❗️

Avtomobil jollarında háreketleniwde saqlıq ilajlarına ámel etiwińiz, belgilengen tezlik hám aralıqtı saqlawıńız hámde jol háreketi qaǵıydalarına qatań ámel etiwińiz soraladı.