⚡️Ámiwdárya rayonında ámeliy seminar bolıp ótti
⚡️Ámiwdárya rayonında ámeliy seminar bolıp ótti
Búgin Ámiwdárya rayonında avtomobil jolların saqlaw hám ońlaw, sonday-aq, jol xojalıǵı tarawında innovaciyalıq texnologiyalardı engiziwge baǵıshlanǵan ámeliy seminar shólkemlestirildi.
Seminarǵa Qaraqalpaqstan Respublikası Avtomobil jolları Bas basqarması baslıǵı U .Matnazarov, sonday-aq, basqarma quramındaǵı rayonlıq jollardan paydalanıw mámleketlik shólkemleriniń basshıları hám texnikalıq qadaǵalaw xızmetkerleri qatnastı.
Seminar dawamında avtomobil jollarında payda bolǵan oyıqlardı ornında ońlaw imkaniyatın beretuǵın mini asfalt zavodı – “PARCHER” úskenesiniń islew proccesi hám asfalt islep shıǵarıw quwatlılıǵı ámeliy tárizde kórsetildi.
Bul texnika saatına 3 tonnaǵa shekem asfalt islep shıǵarıw quwatlılıǵına iye bolıp, janılǵı únemlewshiligi menen ajıralıp turadı. Sonday-aq, úskeneniń máwsim tańlamastan islewi hám asfalt ónimin qayta islep shıǵarıw imkaniyatı jol xojalıǵı tarawında onıń nátiyjeliligin jáne de arttıratuǵını atap ótildi.
Seminar juwmaǵında bul texnikanıń jol xojalıǵındaǵı nátiyjeliligi atap ótilip, bunday zamanagóy texnikalardıń sanın kóbeytiw, olardı basqa rayonlarǵa da keńnen tartıw maqsetke muwapıq ekenligi atap ótildi.