⚡️QMU studenti “Avtomobil jolları komiteti baslıǵınıń stipendiyası” iyesi boldı

Qaraqalpaq mámleketlik universitetinde 2025—2026-oqıw jılı ushın “Avtomobil jolları komiteti baslıǵınıń stipendiyası” jeńimpazı bolǵan Arxitektura fakulteti, Qala qurılısı hám xojalıǵı kafedrası, Jol injenerligi tálim baǵdarı 2-kurs studenti Karamatdinova Mámura Nizametdinovaǵa sertifikat tapsırıw máresimi bolıp ótti.

Ilajda Qaraqalpaqstan Respublikası Avtomobil jolları Bas basqarması baslıǵı U.Matnazarov, Qaraqalpaq mámleketlik universiteti Arxitektura fakulteti dekanı B.Kidirbaev, joqarı oqıw ornı jámááti hám student-jaslar qatnastı.

Bul stipendiya jas qánigelerdi qollap-quwatlaw, olardıń ilimiy hám ámeliy potencialın arttırıw, sonday-aq, jol xojalıǵı tarawında básekige shıdamlı kadrlar tayarlawǵa xızmet etedi. Ilaj sońında stipendiya iyesiniń keleshekte de bilimlendiriw hám ilimiy jumısında joqarı nátiyjelerge erisiwine isenim bildirilip, oǵan tabıslar tiledi.