Korrupciya – qáwipli illet: Áskerler ushın huqıqıy úgit-násiyat ilajı

2025-jıl 9-dekabr kúni 17071-áskeriy bólimde Qaraqalpaqstan Respublikası Aymaqlıq jollarǵa buyırtpashı xızmeti mámleketlik mákemesi bas yuristi U.Raxmanova tárepinen Xalıqaralıq korrupciyaǵa qarsı gúresiw kúni múnásibeti menen huqıqıy mádeniyattı arttırıwǵa qaratılǵan úgit-násiyat ilajı ótkerildi.

Ilaj dawamında áskeriy xızmetkerlerge korrupciya túsinigi, onıń jámietlik hám mámleketlik turmıstaǵı unamsız aqıbetleri boyınsha tolıq maǵlıwmatlar berildi hám bul illetke qarsı gúresiwdiń áhmietli ekenligi ayrıqsha atap ótildi.