⚡️Moynaqta jol infrastrukturası jedel jańalanbaqta

Moynaq rayonı aymaǵında sońǵı jılları keń kólemli ózgerisler ámelge asırılmaqta. Prezidentimizdiń 4889-sanlı qararı tiykarında rayon xalqınıń turmıs sapasın hám transport qolaylılıǵın arttırıwǵa qaratılǵan iri infrastrukturalıq joybarlar izbe-iz dawam ettirilmekte.

Usı sheńberde 95V148 (4N110) “Moynaq qalası – Aralboyı pristanı” avtomobil jolında kapital ońlaw jumısları alıp barılmaqta. Joybar boyınsha:

Joldıń gónergen qaplaması jańalanıp, qara asfalt tóselip atır;
Jergilikli xalıqtıń piyada háreketleniwin jeńillestiriw maqsetinde eki tárepleme zamanagóy piyadalar jolları qurılmaqta;
Jumıslar Moynaq rayonı Jollardan paydalanıw mámleketlik mákemesi tárepinen sapalı orınlanbaqta.

Bul jumıslar sebepli xalıqtıń háreketleniwinde qolaylıq jaratılmaqta hám Moynaqtıń zamanagóy kelbeti jáne de bekkemlenip barmaqta.