⚡️Korrupciyaǵa qarsı ishki qadaǵalaw xızmetkeri tárepinen sistemada ashıq-aydınlıqtı támiyinlew máseleleri dodalandı

Qaraqalpaqstan Respublikası Avtomobil jolları bas basqarmasınıń korrupciyaǵa qarsı ishki qadaǵalaw boyınsha bas qánigesi Azizbek Uzaqbergenov tárepinen sistemadaģı Qaraqalpaqstan Respublikası jollardan turaqlı paydalanıw mámleketlik shólkemi hám Qıpshaq jollardan turaqlı paydalanıw mámleketlik shólkemi xızmetkerleriniń qatnasıwında májilisler shólkemlestirildi.

Ilaj dawamında mámleketlik satıp alıwlarda ashıq-aydınlıqtı támiyinlew, mápler soqlıǵısıwına jol qoymaw, korrupciyalıq jaǵdaylardıń aldın alıw, sonday-aq, xızmet tártibin kúsheytiw máseleleri hár tárepleme dodalandı.

Sonıń menen birge, xızmetkerlerge korrupciyaǵa qarsı gúresiw boyınsha ámeldegi nızamshılıq talapların tereń úyreniw, óziniń kásiplik jumısında hadallıq, juwapkershilik hám ashıq-aydınlıq principlerine qatań ámel etiw zárúrligi ayrıqsha atap ótildi.