⚡️Jol tarawında ashıq-aydınlıq hám korrupciyanıń aldın alıw máseleleri dodalandı

Qaraqalpaqstan Respublikası Avtomobil jolları bas basqarmasınıń korrupciyaǵa qarsı ishki qadaǵalaw boyınsha bas qánigesi Azizbek Uzaqbergenov tárepinen sistemadaǵı Taqıyatas, Xojeli hám Nókis rayonı Jollardan paydalanıw mámleketlik shólkemi xızmetkerleriniń qatnasıwında májilisler ótkerildi.

Ilajlar dawamında mámleketlik satıp alıwlarda ashıq-aydınlıqtı támiyinlew, mápler soqlıǵısıwına jol qoymaw, korrupciyalıq jaǵdaylardıń aldın alıw hám xızmet tártibin bekkemlew máseleleri dodalandı.

Sonday-aq, xızmetkerlerge korrupciyaǵa qarsı gúresiw boyınsha ámeldegi nızamshılıq talapların tereń úyreniw, kásiplik jumısta hadallıq, juwapkershilik hám ashıq-aydınlıq principlerine qatań ámel etiw zárúr ekenligi atap ótildi.