Huqıqıy úgit-násiyat jumısları alıp barıldı ️

“Sanaat” mákan puqaralar jıyınında máhállelerde sport infrastrukturasın rawajlandırıw, sport maydanshalarınan nátiyjeli paydalanıw hám olardıń jaǵdayın jaqsılawǵa baǵıshlanǵan huqıqıy úgit-násiyatlaw ilajı ótkerildi.

Ilajda Qońırat jollardan turaqlı paydalanıw mámleketlik mákemesiniń yuriskonsulti G.Nurımbetova qatnasıp, xalıqqa sport maydanshaların taza saqlaw, olardı qásterlep saqlaw hám jaslardı salamat turmıs tárizine tartıw boyınsha túsinikler berdi.

Sonday-aq, sport infrastrukturasın bunnan bılay da rawajlandırıw, máhállelerde belsendi jaslar ushın qolaylı sharayatlar jaratıw, bar sport maydanshaların jańalaw hám abadanlastırıw máselelerine ayrıqsha itibar qaratıldı.

Ilaj sońında puqaralar óz pikir-usınısların bildirip, sport ortalıǵın jáne de janlandırıwda bársheniń belsene qatnasıwı áhmietli ekenligi atap ótildi.