Til bul – millettiń ruwxı, xalıqtıń júregi.
Búgin – elimiz tariyxında úlken áhmiyetke iye bolǵan, xalqımızdıń ruwxıy birligi hám milliy ózliginiń kórinisine aylanǵan qutlı sáne – Ózbek tiline mámleketlik til biyligi berilgen kúndi belgileymiz.
Ana tilimiz – milletimizdiń maqtanıshı, qádiriyatlarımızdıń tiykarı, júregimizdegi maqtanısh dáregi bolıp esaplanadı. Mámleketlik til statusınıń beriliwi xalqımızdıń ózine tánligine, milliy oy-pikirine hám bay mádeniy miyrasına húrmet hám itibardıń kórinisi bolıp esaplanadı.
Usı múnásibet penen milliy maqtanıshımız – Ózbek tiline mámleketlik til biyligi berilgen kún, yaǵnıy “21-oktyabr – Ózbek tili bayramı” múnásibeti menen siz, áziz kásiplesler, sonday-aq, sizler arqalı barlıq watanlaslarımızdı shın júrekten qutlıqlayman.
Bayramıńız múbárek bolsın!
Húrmet penen,
Qaraqalpaqstan Respublikası Avtomobil jolları bas basqarması baslıǵı U. Matnazarov