Sociallıq tarmaqlarda tarqalǵan múrájatqa (https://t.me/antikorruz/43138) Qaraqalpaqstan Respublikası Avtomobil jolları bas basqarması rásmiy múnásibet bildiredi.

Bul kópir D218 “Úrgensh-Shalıs-Beruniy-Bostan” avtomobil jolınıń 18,1 kilometr bóleginde jaylasqan bolıp, tiyisli jol belgileri ornatılǵanına qaramastan, normadan artıq júk tasıwshı avtotransport qurallarınıń háreketi aqıbetinde ońlawǵa mútáj jaǵdayǵa kelip qalǵan.

Puqaralar hám transport qurallarınıń háreket qáwipsizligin támiyinlew maqsetinde kópirden háreketleniw waqtınsha toqtatıladı hám ońlaw jumısları alıp barıladı.

Bul kópir jabılǵan dáwirde avtomobiller háreketi D218 avtomobil jolınıń 15-kilometr bóleginen 95V021 “Shabboz” APJ arqalı kirip, A380 avtomobil jolınıń 627-kilometr bóleginen shıǵatuǵın alternativ jónelis boylap ámelge asırıladı.

Júzege kelgen qolaysızlıqlar ushın puqaralardan keshirim soraymız hám bul waqıtsha ilaj háreket qáwipsizligin támiyinlewge qaratılǵanın málim etemiz.