⚡️Nókis jańa kóriniske iye bolmaqta

Nókis kiriw bólimindegi “Gúbelek kópir” endi tek ǵana áhmiyetli transport obekti emes, al qala ruwxın sáwlelendiretuǵın jańa tımsallardan birine aylanbaqta. Diywallar milliy ruwxtı sáwlelendiriwshi qaraqalpaq milliy naǵısları menen bezetilip, zamanagóy jaqtılandırıw sisteması ornatılmaqta.

Bul naǵıslar – xalqımızdıń bay mádeniy miyrasınan dárek beretuǵın tımsallar bolıp, olardıń zamanagóy arxitektura menen únlesligi Nókis qalasınıń jańa kelbetin ayqın kórsetpekte. Bunday dizayn tek ǵana qalanıń sulıwlıǵın arttırıp qoymastan, al Nókiske kirip kelgen hár bir miyman ushın milliylik, gózzallıq hám zamanagóylik únlesligin seziw imkaniyatın beredi.

Búgin “Gúbelek kópir” – bul ápiwayı jol qurılması emes. Ol Qaraqalpaq xalqınıń bay mádeniy miyrası, estetikalıq talǵamı hám zamanagóy ruwxın ózinde jámlegen, qala kelbetine kórkem óner názikligin alıp kirgen biybaha imaratqa aylanbaqta.