⚡️Taqıyatas rayonında jol infrastrukturası jaqsılanbaqta

Taqıyatas rayonı aymaǵındaǵı “Taqıyatas” mákan puqaralar jıyınında jaylasqan Yassawiy hám Ózbekstan kóshelerinde jol infrastrukturasın jaqsılaw jumısları ámelge asırılmaqta. Bul jumıslar sheńberinde usı kóshelerdiń jámi 1 kilometr 370 metr bólegi jańadan asfalt qaplaması menen ońlandı.

Asfaltlaw jumısları Taqıyatas rayonı jollardan paydalanıw mámleketlik shólkemi tárepinen sapalı asfalt aralaspası tiykarında alıp barıldı.

Jańa jol qaplaması máhálle xalqı ushın qolaylı hám qáwipsiz transport háreketin támiyinlew, piyadalar háreketin jeńilletiw hám jol infrastrukturasınıń ulıwma jaǵdayın jaqsılawǵa xızmet etedi. Sonıń menen birge, ámelge asırılǵan jumıslar aymaqta sociallıq-ekonomikalıq belsendilikti arttırıw, isbilermenlikti rawajlandırıw hám xalıqtıń turmıs sapasın jaqsılawǵa áhmiyetli tiykar jaratadı.