⚡️Nókiste jol infrastrukturası jańalanbaqta

Keyingi jılları mámleketimizde jol tarawına ayrıqsha itibar qaratılmaqta. Prezidentimizdiń baslaması menen jol infrastrukturasın modernizaciyalaw, xalıqqa qolaylı hám qáwipsiz háreketleniw sharayatların jaratıw, ekonomikalıq belsendilikti arttırıw maqsetinde keń kólemli jumıslar ámelge asırılmaqta.

Házirgi waqıtta Nókis qalası aymaǵındaǵı 95V131 “D234 avtomobil jolı (3 km.den) – Nókis teleorayı” avtomobil jolınıń 2-3-kilometr bóleginde asfalt tósew jumısları alıp barılmaqta. Jumıslar Nókis RJPMSh tárepinen ámelge asırılmaqta.

Bul jol jergilikli áhmiyetke iye bolǵan áhmiyetli jónelislerden biri bolıp, onıń ońlanıwı transport háreketin qolaylastıradı, qáwipsizlikti arttıradı hám qala ishki infrastrukturasınıń jáne de rawajlanıwına xızmet etedi. Nátiyjede, transport aǵımı tártipke salınıp, tıǵılıslar azayadı, puqaralar ushın qolaylıqlar jaratıladı.