⚡️Ámiwdárya rayonında jol infrastrukturası jaqsılanbaqta

Elimizdiń rawajlanıwında infrastrukturanı, atap aytqanda, jol tarmaǵın bekkemlew áhmiyetli orın iyeleydi. Bul baǵdarda alıp barılıp atırǵan keń kólemli jumıslar aymaqlarda turmıs sapasın arttırıwǵa xızmet etpekte.

Húrmetli Prezidentimizdiń jol infrastrukturasın rawajlandırıwǵa qaratıp atırģan itibarı nátiyjesinde Respublikamızda da bir qansha jol qurılıs jumısları ámelge asırılmaqta.

Atap aytqanda, Ámiwdárya rayonında jergilikli áhmiyetke iye 95V134 “Tolqın APJ – Aq altın APJ – Babur APJ” jolınıń 7-10 km aralıqlarında 2,5 kilometr uzınlıqta asfalt tóselip atır.

Bul jumıslar Ámuwdárya RJPMSh tárepinen ámelge asırılıp, asfalt jatqarıw jumıslarına 6 arnawlı texnika hám 15 maman jumısshılar mobilizaciyalanǵan.

Bul keń kólemli jumıslardan gózlengen maqset – transport infrastrukturasın jańalaw, xalıqtıń kúndelikli turmısın qolaylastırıw, aymaqlararalıq baylanıslardı bekkemlew hám ekonomikalıq belsendilikti arttırıw bolıp esaplanadı.