⚡️ Qońırat — Moynaq avtomobil jolında asfalt tósew jumısları dawam etpekte

Húrmetli Prezidentimizdiń “Qaraqalpaqstan Respublikasın sociallıq-ekonomikalıq rawajlandırıwǵa qaratılǵan is-ilajlardı ele de jedellestiriw haqqında”ǵı PQ-248-sanlı qararına muwapıq, Qońırat — Moynaq avtomobil jolınıń 91 kilometr bólegin ońlaw belgilengen.

Usı qarardıń orınlanıwı sheńberinde búgingi kúnde qurılıs-ońlaw jumısları baslap jiberildi. Házirgi kúnde avtomobil jolınıń Qońırat rayonı aymaǵınan ótken 19—22-kilometr bóleginde asfalt tósew jumısları basqıshpa-basqısh ámelge asırılmaqta.

Jumıs processlerine 8 zamanagóy arnawlı texnika hám 15 jumısshı kúsh tartılǵan. Bul ońlaw jumıslardıń nátiyjesinde tek ǵana transport infrastrukturası jańalanıp qoymastan, al xalıqtıń kúndelikli turmısı jeńillesedi, aymaqlararalıq baylanıslar bekkemlenedi hám ekonomikalıq belsendilik jáne de artadı.