⚡️Prezidentimizdiń PQ-132-sanlı qararı ámelde: D234 avtomobil jolında ońlaw jumısları alıp barılmaqta

Húrmetli Prezidentimizdiń “Respublika aymaqların jedel kompleksli rawajlandırıw ushın tańlap alınǵan rayon (qala) larda ámeliy ilajlardı ámelge asırıw haqqında”ǵı PQ-132-sanlı qararına tiykarlanıp, Shımbay rayonın 2025-2026-jıllarda jedel kompleksli rawajlandırıw baǵdarlaması sheńberinde keń kólemli jumıslar alıp barılmaqta.

Atap aytqanda, D234 “Nókis-Shımbay-Taxtakópir” avtomobil jolınıń Shımbay rayonı aymaǵınan ótken 57-58-kilometr bóleginde asfalt tósew jumısları ámelge asırılmaqta.

Jumıs processlerine 7 zamanagóy arnawlı texnika hám 12 jumısshı kúshi tartılǵan. Bul ońlaw jumıslarınıń nátiyjesinde tek ǵana transport infrastrukturası jańalanıp qoymastan, al xalıqtıń kúndelikli turmısı jeńillesip, aymaqlararalıq baylanıslar bekkemlenedi hám ekonomikalıq belsendilik jáne de artadı.