⚡️Xalıqaralıq avtomobil jolınıń 25 km bólegin cement-beton jolǵa aylandırıw jumısları dawam etpekte

Húrmetli Prezidentimizdiń tapsırması menen Qaraózek hám Beruniy rayonları aymaǵınan ótiwshi A380 «Ǵuzar-Buxara-Nókis-Beynew» avtomobil jolınıń 673-698 km (25 km) bólegin Aziya rawajlanıw bankiniń qatnasıwında cement-beton qaplaması menen rekonstrukciyalaw belgilengen edi. Usı tiykarda búgingi kúnde beton qaplamasın tósew jumısları alıp barılmaqta.

Ulıwmalıq bahası 48,7 million dollar bolǵan joybardıń qurılıs jumıslarınıń sapalı alıp barılıwında xalıqaralıq konsalting kompaniyaları tartılǵan bolıp, házirgi waqıtta arnawlı mashina mexanizimleri hám jumısshı-qánigeler mobilizaciya etilgen.