⚡️Aziya rawajlanıw banki vice-prezidenti basshılıǵındaǵı delegaciya Qaraqalpaqstanǵa keldi

Aziya rawajlanıw bankiniń Qubla, Oraylıq hám Batıs Aziya regionları boyınsha vice-prezidenti Inmin Yang basshılıǵındaǵı delegaciya Qaraqalpaqstanǵa keldi. Delegaciyaǵa Ózbekstan Respublikası Avtomobil jolları komiteti baslıǵınıń orınbasarı Amriddin Abdurahmanov basshılıq etti.

Delegaciya aǵzaları rásmiy saparı dawamında Aziya Rawajlanıw bankiniń qatnasıwında ámelge asırılıp atırǵan iri infrastrukturalıq joybarlar menen jaqınnan tanıstı. Atap aytqanda, A380 “Ǵuzar–Buxara–Nókis–Beynew” xalıqaralıq avtomobil jolınıń Beruniy hám Qaraózek rayonları aymaǵınan ótken 673–698-km aralıǵındaǵı 25 kilometrlik bólegi cement-beton qaplaması menen rekonstrukciyalanıw proccesi úyrenildi.

Sonday-aq, delegaciya usı joldıń Tórtkól – Ellikqala – Beruniy rayonları aymaǵınan ótken derlik 87 kilometrlik bólegin rekonstrukciyalaw joybarı menen de tanıstı.

Bul joldıń qayta qurılısı tek ǵana regionnıń transport-kommunikaciya sistemasın túp-tiykarınan jaqsılaw emes, al xalıqaralıq júk hám jolawshı tasıw kólemin arttırıw, ekonomikalıq birge islesiwdi bunnan bılay da rawajlandırıwǵa xızmet etetuǵını ayrıqsha atap ótildi.

Delegaciya aǵzaları qurılıs jumıslarınıń sapası hám ámelge asırılıw proccesine unamlı baha berip, bul baǵdardaǵı birge islesiwdi bunnan bılay da rawajlandırıw perspektivaları boyınsha pikir alıstı.