⚡️Sarabiyde kópir qurılıs jumısları dawam etpekte

A380 “Ǵuzar-Buxara-Nókis-Beynew” avtomobil jolınıń Ellikqala rayonı aymaǵınan ótiwshi 607,9-kilometri (17-piket) bóleginde jaylasqan kópirde qurılıs jumısları alıp barılmaqta. Processke 5 arnawlı texnika hám 10 maman jumısshı-xızmetker tartılǵan.

Bul kópir 1972-jılı qurılǵan bolıp, ótken jıllar dawamında tábiyǵıy faktorlar, shorlanıw hám awır júk tasıwshı transport qurallarınıń háreketi aqıbetinde avariya jaǵdayına kelip qalǵan edi. Sol sebepli onı jańadan qurıw jumısları baslap jiberildi.

Jol háreketi qáwipsizligin támiyinlew maqsetinde aylanba jol qurılıp, asfalt qaplaması tóseldi. Sonday-aq, Qaraqalpaqstan Respublikası Jol háreketi qáwipsizligi basqarması menen birgelikte jol belgileri hám janıp óship turıwshı qáwipsizlik quralları ornatıldı. Bul ilajlar jol háreketi qatnasıwshılarınıń qáwipsiz hám qolaylı háreketleniwin támiyinlewge qaratılǵan.