⚡️Prezidentimizdiń PQ-132-sanlı qararı ámelde

Ózbekstan Respublikası Prezidentiniń 2025-jıl 1-apreldegi “Respublika aymaqların jedel kompleksli rawajlandırıw ushın tańlap alınǵan rayon (qala) larda ámeliy ilajlardı ámelge asırıw haqqında”ǵı PQ-132 sanlı qararına tiykarlanıp, Qońırat rayonın 2025-2026-jıllarda jedel kompleksli rawajlandırıw baǵdarlaması sheńberinde keń kólemli jumıslar alıp barılmaqta.

Qońırat rayonı aymaģınan ótiwshi 95V144 “D231 avtomobil jolı (4 km.den) — “Rawshan” APJ — “Saksawlsay” APJ avtomobil jolınıń 0 — 1-km aralıģında joldın shep tárepine beton salma qurıw jumısları ámelge asırılmaqta. Bunday salmalardıń qurılıwı avtomobil jolınıń uzaq hám qáwipsiz háreket táminlewi úshin áhmiyeti joqarı. Sebebi qar hám jawın suwları asfalt júzesinde jiynalıp qalmastan usı salmalar arqalı aǵıp ketedi. Bu bolsa qarlı – jawınlı kúnlerde joldıń tayǵaqlıǵınıń aldın alıp, háreket qáwipsizligin támiynleydi. Atap ótiwimiz kerek bul jumıslar Qońırat rayonı Jollardan paydalanıw mámleketlik shólkemi tárepinen ámelge asırılmaqta.