D234 “Nókis-Shımbay-Taxtakópir” avtomobil jolınıń Kegeyli rayonı aymaǵınan ótken bóleginde asfalt tósew jumısları alıp barılmaqta

D234 “Nókis-Shımbay-Taxtakópir” avtomobil jolınıń Kegeyli rayonı aymaǵınan ótken 28-31-kilometr bóleginde asfalt tósew jumısları alıp barılmaqta.

Bul ońlaw jumısları Kegeyli rayonı Jollardan paydalanıw mámleketlik shólkemi tárepinen shólkemlestirilip, processke 8 arnawlı texnika hám 14 jumısshı mobilizaciyalanǵan.

Búgingi kúnde jol qurılısı tarawı mámleketimiz infrastrukturasınıń eń áhmiyetli baǵdarlarınan biri sıpatında turaqlı itibarda tur. Prezidentimizdiń baslamaları menen elimiz boylap keń kólemli qurılıs hám rekonstrukciya jumıslarınıń ámelge asırılıp atırǵanı nátiyjesinde tek ǵana qalalararalıq emes, al rayon hám awıllarımız da sapalı, qáwipsiz jollar menen baylanıspaqta. Bul bolsa ekonomikanıń turaqlı rawajlanıwına, aymaqlar arasındaǵı sawda-satıq hám sociallıq baylanıslardıń jáne de jedellesiwine xızmet etpekte.

Kegeyli rayonındaǵı bul joldı jańalaw jumısları da usı iygilikli maqsetlerdiń ámeliy kórinisi bolıp esaplanadı. Jańadan tóselip atırǵan asfalt jollar – tek ǵana aydawshılar ushın qolaylıq emes, al pútkil xalıq ushın abadanlıq hám rawajlanıwǵa qoyılıp atırǵan qádem bolıp esaplanadı.