#Qutlıqlaw

Ózbekstan Respublikası Prezidentiniń “Ózbekstan Respublikası ǵárezsizliginiń otız tórt jıllıǵı múnásibeti menen mámleketlik xızmetkerler jáne óndirislik hám sociallıq-ekonomikalıq tarawlardıń xızmetkerlerinen bir toparın sıylıqlaw haqqında”ǵı Pármanı (https://president.uz/uz/lists/view/8416) tiykarında, Nókis rayonı Jollardan paydalanıw mámleketlik shólkeminiń asfalt tósew mashinasınıń aydawshısı Seytekov Turǵanbay Berdanovich – “Doslıq” ordeni menen sıylıqlandı.

Bul húrmetli sıylıq tek ǵana ustazımız hám kásiplesimizdiń pidákerlik miynetlerine berilgen múnásip baha emes, al pútkil jámáátimiz ushın da úlken maqtanısh hám ilham dáregi boldı.

Qaraqalpaqstan Respublikası Avtomobil jolları bas basqarması jámááti atınan húrmetli kásiplesimizdi qızǵın qutlıqlaymız! Siziń hadal miynetińiz, tınımsız háreketlerińiz hám pidayılıǵıńız bunnan bılay da Watanımızdıń rawajlanıwı hám xalqımızdıń abadanlıǵı jolında jarqın jetiskenliklerge tiykar bolatuǵınına isenemiz.