⚡️Jol – tek aymaqlardı baylanıstıratuǵın infrastruktura emes, al adamlardıń qálbin birlestiretuǵın kópir

Taxtakópir rayonı turǵınları ushın quwanıshlı jańalıq – endi “Atakól” APJ aymaǵına alıp barıwshı tiykarǵı joldıń áhmiyetli bólegi jańadan asfalt qaplamasına iye boldı. “Baslamalı byudjet” baǵdarlamasınıń 2025-jıl 1-máwsimi sheńberinde 95V057 “D234 avtomobil jolınan – Atakól APJ ǵa” jolınıń 3-5-kilometr aralıǵında 1,4 kilometr uzınlıqta asfalt tósew jumısları ámelge asırıldı.

Bul joybar Qaraqalpaqstan Respublikası Aymaqlıq jollarǵa buyırtpashı mámleketlik shólkeminiń buyırtpası tiykarında, Beruniy rayonı jollardan paydalanıw mámleketlik shólkemi tárepinen sapalı hám zamanagóy texnologiyalar tiykarında orınlandı.

Jol – tek aymaqlardı baylanıstıratuǵın infrastruktura emes, al adamlardıń qálbin birlestiretuǵın kópir. Sonlıqtan, Atakól awılı turǵınları ushın bul joldıń jańalanıwı turmıs sapasın arttırıw, qolaylıq jaratıw hám ekonomikalıq baylanıslardı bekkemlewde úlken áhmiyetke iye.