⚡️Kegeyli rayonında “Baslamalı byudjet” joybarı sheńberinde jol qurılıs jumısları alıp barılmaqta

Kegeyli rayonında “Baslamalı byudjet” processiniń 2025-jıl 1-máwsiminde eń kóp dawıs jıynap jeńimpaz dep tabılǵan “Xalqabad” MPJ aymaǵında jaylasqan Abay kóshesiniń 700 metr bólegine asfalt tósew jumısları alıp barılmaqta.

Bul jumıslar Qaraqalpaqstan Respublikası Aymaqlıq jollarǵa buyırtpashı mámleketlik mákemesiniń buyırtpası tiykarında “Kattagar Nukus qurilish” JShJ tárepinen ámelge asırılmaqta. Qurılıs processlerine 7 arnawlı texnika hám 13 jumısshı tartılǵan.

Jol infrastrukturasın jaqsılaw arqalı aymaq xalqı ushın qolaylı hám qáwipsiz háreketleniw imkaniyatların jaratıw, sonday-aq, transport qatnawın jeńilletiw názerde tutılǵan.