⚡️Xalıq iygiligi jolındaǵı jumıslar Beruniy rayonı mısalında

Xabarıńız bar usı jıldıń 10-mart sánesinen baslap Respublikamızdaǵı ulıwma paydalanıwdaǵı avtomobil jollarında gúz-qıs máwsiminen keyin payda bolǵan nuqsanlardı ońlaw boyınsha keń kólemli jumıslar ámelge asırılmaqta. Bul jumıslar Respublikamızdıń basqa rayonları qatarında Beruniy rayonın Xarezm walayatı orayı hám Ellikqala rayonı menen baylanıstırıwshı Respublikalıq áhemiyetke iye D218 (4R161) “Urgenish-Chalısh-Beruniy-Bostan” avtomobil jolınıń 13-15-km aralıǵında qızǵın pát penen alıp barılmaqta. Avtomobil jolınıń bul bóleginde payda bolǵan oy shuqırshalardı freza járdeminde kesip alıp ornına jańadan asfalt basıw jumısları Beruniy RJPMSh tárepinen alıp barılıp atır. Házirde ońlaw jumıslarına 5 arnawlı texnika hám 12 jumısshı mobilizatsiya etilgen. Álbette, Xalqımızdıń uzaǵın jaqın, awırın jeńil qılıw barısındaǵı bul ámeliy jumıslar avtomobil jolınıń basqada bóleklerinde elede dawam etedi.