D234 avtomobil jolınıń 89-90-kilometr aralıǵında asfalt tósew jumısları alıp barılmaqta

D234 (4R176) “Nókis-Shımbay-Taxtakópir” avtomobil jolınıń Qaraózek rayonı aymaǵınan ótiwshi 89-90-kilometr aralıǵında qara qaplama (asfalt) tósew jumısları izbe-iz alıp barılmaqta. Bul ońlaw procesinde 7 arnawlı jol qurılıs texnikası hám 16 maman jumısshı-xızmetkerler mobilizaciyalanǵan.

Bul jumıslar mámleketimizde jol-transport infrastrukturasın jańalaw, xalıq ushın qolaylı hám qáwipsiz háreketleniw sharayatların jaratıw, sonday-aq, aymaqlar arasındaǵı ekonomikalıq birge islesiw hám sawda baylanısların bunnan bılay da rawajlandırıwǵa xızmet etedi.