⚡️Milletleraralıq tatıwlıq, diniy keńpeyillik, korrupciyaǵa qarsı gúresiw hám jol qurılısı sapası ústinen qadaǵalaw máselelerine baǵıshlanǵan májilis bolıp ótti

Qaraqalpaqstan Respublikası Avtomobil jolları bas basqarmasında milletleraralıq tatıwlıq hám diniy keńpeyillikti támiyinlew, diniy ekstremizm hám separatizmge qarsı gúresiw, sonday-aq, korrupciyanıń aldın alıw hám jol qurılıs sapası ústinen qadaǵalawdı kúsheytiwge baǵıshlanǵan májilis bolıp ótti.

Ilajda Basqarma baslıǵı U. Matnazarov, Transport qadaǵalaw inspekciyasınıń Qaraqalpaqstan Respublikası filialı inspektorı Z. Abdisheripov, Qaraqalpaq mámleketlik universiteti professor-oqıtıwshısı T.Abdullaev, sonday-aq, basqarma quramındaǵı rayonlıq jol bólimleriniń basshıları hám basqarma xızmetkerleri qatnastı.

Májilis dawamında shıǵıp sóylegenler tárepinen diniy keńpeyillik ortalıǵın bekkemlew, ekstremizm hám separatizm ideyalarınıń aldın alıw boyınsha túsindiriw jumısları alıp barıldı. Sonıń menen birge, jol qurılısı tarawında korrupciyaǵa qarsı gúresiw, nızambuzıwshılıqlardı saplastırıw, ashıq-aydınlıqtı támiyinlew hám qurılıs jumıslarınıń sapasın turaqlı qadaǵalap barıw zárúrligi ayrıqsha atap ótildi.