⚡️Jol infrastrukturası – rawajlanıw girewi

Elimizde jol-transport infrastrukturasın zaman talaplarına say jaǵdayǵa keltiriw, xalıqqa qáwipsiz hám qolaylı háreketleniw imkaniyatların jaratıw boyınsha sistemalı jumıslar izbe-iz dawam etpekte. Bul baǵdardaǵı háreketler Nókis rayonında da óz kórinisin tappaqta.

Atap aytqanda, D233 (4R175) “Nókis qalası – Aqmańǵıt – Kegeyli – Shımbay – Qazaqdárya awılı” avtomobil jolınıń 11-12-kilometr aralıǵında ońlaw jumısları alıp barılmaqta.

Bul ońlaw jumısları Nókis rayonı jollardan paydalanıw mámleketlik shólkemi tárepinen ámelge asırılmaqta. Processke 8 arnawlı texnika quralı hám 17 jumısshı-xızmetker tartılǵan.

Jol infrastrukturasına qaratılıp atırǵan itibar regionallıq rawajlanıw, transport háreketi qáwipsizligi hám ekonomikalıq belsendilikti jáne de kúsheytiwge xızmet etpekte. Hár bir tiklengen jol – xalıqtıń turmıs abadanlıǵına qosılǵan jáne bir áhmiyetli úles, desek asıra aytqan bolmaymız.