⚡️”Kiber qáwipsizlikti támiynlew” boyınsha ilaj ótkerildi

Búgin Qaraqalpaqstan Respublikası Avtomobil jolları bas basqarmasınıń májlisler zalında “Kiber qáwipsizlikti támiynlew” atlı ilaj ótkerildi. Ilajda Bas basqarma baslıǵı orınbasarı R. Ibragimov, basqarma yuristi Ǵ. Yakupov hám Asaka bank Qaraqalpaqstan Respublikası filialınıń “Sırtqı qáwipsizlik” boyınsha bas qánigesi S. Jumabekov qatnastı. S. Jumabekov ilaj qatnasıwshılarına bank xızmetkeri hesh waqıtta sizden sms parollerdi soramawı, túrli shet ellik nomerlerden telefon qılmawı haqqında túsinikler berdi. Bunday waqıtlarda tezlik penen telefondı jawıp taslaw, huquqtı qorǵaw uyımlarına xabar beriw lazımlıǵın atap ótti.

Ilaj sońında Bas basqarma qánigeleri tez-pát penen rawajlanıp atırǵan  texnologiyalar dáwirde kiberjınayatshılıqtan awlaq bolıw haqqında ulıwmalıq túsiniklerge iye boldı hám taraw qánigelerinen ózlerin qızıqtırǵan sorawlarǵa juwaplar aldı. Sonıń menen birge ilaj qatnasıwshılarına tarqatpa materiallar tarqatıldı.