⚡️RÁSMIY MÚNÁSIBET

Sociallıq tarmaqlarda tarqalǵan video múrájatqa (https://t.me/KarPressa/23020) Qaraqalpaqstan Respublikası Avtomobil jolları bas basqarması rásmiy múnásibet bildiredi.

Úyreniw procesinde anıqlanıwınsha, hádiyse júz bergen jol ishki kóshe esaplanıp, ol Nókis qalası Abadanlastırıw basqarmasınıń balansında ekeni málim boldı.

Sonday-aq, Baylanıs orayımızǵa múrájat etiw dawamında xızmetker jaǵdaydı tıńlaǵan halda, jeke pikir sıpatında háreketleniwde abaylı bolıw zárúrligin másláhát tárizinde bildirgen. Bul pikir ayırım jaǵdaylarda hár qıylı tallanıwı múmkin ekenligin esapqa alǵan halda, shólkemimiz puqaralar menen sóylesiw mádeniyatın jáne de jaqsılaw maqsetinde xızmetkerler menen qosımsha túsinik hám oqıw jumısların alıp baradı.

Bunnan tısqarı, ayırım paydalanıwshılar tárepinen @kkavtojol_bot múrájatlar botınıń jumısında úzilisler baqlanıp atırǵanı haqqında maǵlıwmatlar berilgen. Házirgi waqıtta usı texnikalıq nasazlıqlardı saplastırıw boyınsha tiyisli qánigeler tárepinen zárúr jumıslar alıp barılmaqta. Bottıń turaqlı hám úzliksiz islewin támiyinlew ushın texnik ońlaw jumısları ámelge asırılıp atırǵanlıǵın málim etemiz.