⚡️RÁSMIY MÚNÁSIBET

Sociallıq tarmaqlarda tarqalǵan videomúrájat (https://t.me/makarenko_channel/7541) boyınsha Qaraqalpaqstan Respublikası Avtomobil jolları bas basqarması tómendegilerdi málim etedi:

📍 Múrájatta keltirilgen avtomobil jolı – Mámleketlik áhmiyetke iye D231 (4R173) “Qońırat-Moynaq” avtomobil jolınıń Qońırat rayonı aymaǵınan ótiwshi 14-16-km aralıǵı bolıp, usı bólimde Qońırat rayonı Jollardan turaqlı paydalanıw mámleketlik shólkemi tárepinen ońlaw jumısları alıp barılıwı rejelestirilgen. Usı maqsette joldıń nasaz bólekleri jol frezası járdeminde kesip alınıp, belgilengen tártipte ońlaw jumısları alıp barılmaqta.

Bunnan tısqarı, “Qońırat-Moynaq” avtomobil jolınıń Moynaq rayonı aymaǵınan ótiwshi 49-52-km aralıǵında da ońlaw jumısları dawam ettirilmekte. Sonday-aq, 2025-jılı Baslamalı byudjet joybarınıń 1-máwsiminde usı avtomobil jolınıń 23-26-km (3 km) aralıǵın ońlaw jumısları jeńimpaz dep tabılǵan bolıp, házirgi waqıtta usı jol bólegi boyınsha qurılıs-ońlaw jumısları baslanıwı aldında ekenligini málimleymiz.