⚡️Taqıyatas rayonına alıp barıwshı avtomobil jolında ońlaw jumısları alıp barılmaqta

Mámleketimizde jol infrastrukturasın rawajlandırıwǵa qaratılǵan reformalar hár bir aymaqta óz nátiyjelerin bermekte. Prezidentimizdiń baslaması menen ásirese uzaq hám strategiyalıq jaqtan áhmiyetli baǵdarlarda zamanagóy, qáwipsiz hám qolaylı jollar qurılmaqta.

D154 (4R171G) “A380 avtomobil jolınan (775-km) – Taqıyatas qalasına” avtomobil jolınıń 11-12-km aralıǵında qara qaplamalı asfalt tósew jumısları ámelge asırılmaqta. Bul jol Qaraqalpaqstan Respublikasınıń ekonomikalıq oraylarınan biri – Taqıyatas qalası menen tiykarǵı magistraldı baylanıstırıp turatuǵın áhmiyetli transport jónelisi bolıp esaplanadı.

Házirgi waqıtta ońlaw jumısları Taqıyatas rayonı Jollardan paydalanıw mámleketlik shólkemi tárepinen alıp barılmaqta. Processke 7 arnawlı texnika hám 13 jumısshı-xızmetkerler mobilizatciya etilgen.

Bul jol tek xalıq ushın qolaylıq jaratıp ǵana qoymastan, al iri sanaat kárxanaları, eksport-import jumısınıń úzliksiz háreketin támiyinleytuǵın baǵdar bolıp esaplanadı.