⚡️1–iyun Xalıqaralıq balalardı qorǵaw kúni múnásibeti menen balalarǵa sawǵalar tapsırıldı

Xalqımız ázel-ázelden perzent súyer xalıq bolıp tabıladı. «1–iyun Xalıqaralıq balalardı qorǵaw kúni» sıpatında elimizde keń túrde belgilenedi. Bul kún balalarımız ushın eń quwanıshlı kúnlerdiń biri esaplanadı. Usı sáne múnásibeti menen búgin Shımbay rayonındaǵı 24- sanlı mámleketlik kóp tarmaqlı qánigelestirilgen mektepke shekemgi bilimlendiriw mákemesinde bayram ilajı bolıp ótti.

Ilajda Qaraqalpaqstan Respublikası Joqarǵı Keńesiniń komitet baslıǵı Sh.Ótemisov qatnasıp, bul jerde tárbiyalanıp atırǵan balalarǵa bayram sawǵaların tapsırdı. Ilajda bir qatar juwapkerler qatarında, Qaraqalpaqstan Respublikası Avtomobil jolları bas basqarması baslıǵınıń orınbasarı R.Ibragimov ta qatnasıp, balalarǵa sawǵalar tapsırdı.

Bunnan soń, 24- sanlı mámleketlik kóp tarmaqlı qánigelestirilgen mektepke shekemgi bilimlendiriw mákemesi jámááti tárepinen tayarlanǵan koncert baǵdarlaması menen dawam etti.