⚡️Beruniyde jol infrastrukturası jańalanbaqta

Húrmetli Prezidentimiz tárepinen jol-transport infrastrukturasın bunnan bılay da rawajlandırıw, xalıq ushın qáwipsiz hám qolaylı jol sharayatların jaratıw, eń baslısı, xalqımızdıń abadanlıǵın támiyinlew jolında keń kólemli reformalar ámelge asırılmaqta.

Atap aytqanda, 2025-jılı ulıwma paydalanıwdaǵı avtomobil jolların tolıq ońlaw boyınsha mánzilli baǵdarlama sheńberinde Beruniy rayonı aymaǵınan ótetuǵın D154 (4R171a) “A380 avtomobil jolınan (632-km) Beruniy qalasına” avtomobil jolınıń 7-8-km aralıǵında asfalt tósew jumısları alıp barılmaqta.

Bul ońlaw jumısları tek ǵana transport qatnawınıń qáwipsizligin arttırıw emes, al ekonomikalıq belsendilikti xoshametlew, xalıqtıń turmıs sapası hám kúndelikli jasaw sharayatların jáne de jaqsılawǵa xızmet etedi.