⚡️Xalıqaralıq birge islesiw

Usı kúnlerde Avtomobil jolları komitetiniń delegaciyası Qıtay Xalıq Respublikasında xızmet saparında bolıp tur. Onda Qaraqalpaqstan Respublikası Avtomobil jolları bas basqarması baslıǵı Umrbek Matnazarov ta qatnaspaqta.

Delegaciya aǵzaları TianJin qalasındaǵı Qalalıq injenerlik, joybarlaw hám izertlew institutınıń basshıları menen ushırasıw ótkermekte.

Ushırasıw sheńberinde avtomobil jolların ońlaw, saqlaw hám shól aymaqlarında jasıl mákanlar jaratıw boyınsha ámeliy oqıw shınıǵıwları ótkerilmekte. Sonday-aq, qıtaylı qánigeler menen birge islesiwdi jolǵa qoyıw boyınsha keń kólemli sóylesiwler alıp barılmaqta. Ushırasıwlar dawamında Qıtay infrastrukturası menen tanısıw, olardıń aldınǵı tájiriybesin úyreniw hám onı Qaraqalpaqstan Respublikası aymaǵında ámeliyatqa engiziw máseleleri de dodalanbaqta.