⚡️Jańa biyik piyadalar ótiw jolı – qáwipsizlik jolında áhmiyetli qádem

Qaraqalpaqstan Respublikası aymaǵında piyadalardıń qáwipsizligin támiyinlewge qaratılǵan ámeliy jumıslar dawam etpekte. Atap aytqanda, D231 “Qońırat-Moynaq” avtomobil jolınıń 2-3 kilometr aralıǵında jańa biyik piyadalar ótiw jolı sızıldı. Bul jumıslar “Qońırat jollardan turaqlı paydalanıw” mámleketlik shólkemi tárepinen ámelge asırıldı. Bul biyik piyadalar ótiw jolınıń engiziliwi, eń dastlep, usı aymaqta háreket qáwipsizligin támiyinlewge xızmet etedi. Biyik piyadalar jolları aydawshılardı avtomatik túrde tezlikti azaytıwǵa shaqıradı. Bul bolsa, ásirese, mektep, bazar, máhálle orayları yamasa basqa da xalıq kóp jıynalatuǵın orınlarǵa jaqın jerlerde júz beriwi múmkin bolǵan jol-transport hádiyseleriniń aldın alıwda úlken áhmiyetke iye.