⚡️Jol sızıqları – háreket tártibi hám qáwipsizligi girewi

Mámleketimizde sońǵı jılları jol infrastrukturasın rawajlandırıwǵa úlken itibar qaratılmaqta. Ásirese, jol háreketi qáwipsizligin arttırıw boyınsha bir qansha sistemalı jumıslar alıp barılmaqta. Atap aytqanda, D234 “Nókis-Shımbay-Taxtakópir” avtomobil jolınıń 22-47-kilometr aralıǵında jol sızıqları jańadan sızıldı.

Bul jol Nókis qalasın Respublikanıń arqa rayonları menen baylanıstırıp turadı. Hár kúni mıńlaǵan avtomobiller háreketlenetuǵın bul jolda háreket qáwipsizligin támiyinlew áhmiyetli máselelerden biri. Sol sebepli jatıq jol sızıqlarınıń jańalanıwı – aydawshılar ushın kóriniwdi arttırıw, jónelisti anıqlastırıw hám tártipli háreketti jolǵa qoyıw imkaniyatın beredi.

Bul jumıslar mámleketimiz tárepinen jol háreketi qáwipsizligin támiyinlewge, puqaralardıń ómiri hám densawlıǵın qorǵawǵa bolǵan itibardıń ámeliy kórinisi bolıp esaplanadı.