⚡️Jergilikli áhmiyettegi jol ońlanbaqta

Keyingi jılları mámleketimizde jergilikli áhmiyetke iye avtomobil jolların ońlaw hám rekonstrukciyalaw baǵdarında sistemalı jumıslar ámelge asırılmaqta. Bul baǵdardaǵı háreketler hár bir aymaqta xalıqtıń transportqa bolǵan talabın qanaatlandırıw, ekonomikalıq belsendilikti arttırıw jáne qáwipsiz hám qolaylı háreketleniwdi támiyinlewge qaratılǵan. Usı sheńberde, Qońırat rayonı aymaǵınan ótken jergilikli áhmiyetke iye 95V115B “Qońırat suw saqlaǵıshına D231 avtomobil jolı (17 km den) ” avtomobil jolınıń 11-13-kilometr aralıǵında asfalt tósew jumısları alıp barılmaqta. Bul jumıslar Qońırat RJPMSh tárepinen alıp barılıp, qurılıs jumıslarına 10 arnawlı texnika hám 18 jumısshı-xızmetker tartılǵan.

Qońırat rayonında alıp barılıp atırǵan jol qurılıs jumısları – mámleketimiz tárepinen hár bir puqaranıń turmısın jaqsılawǵa qaratılǵan keń kólemli reformalardıń ámeliy kórinisi bolıp esaplanadı. Jergilikli áhmiyetke iye jollardıń ońlanıwı ápiwayı xalıq ushın da, aymaq ekonomikası ushın da sheksiz áhmiyetke iye.