⚡️Estelik máńgi, qádirlew muqaddes

9-may – Eslew hám qádirlew kúni múnásibeti menen Qaraqalpaqstan Respublikası Avtomobil jolları bas basqarması baslıǵı Umrbek Matnazarov hám basqarma xızmetkerleri jol qurılısı tarawında kóp jıllıq jumısı dawamında óziniń hadal miyneti, pidayılıǵı hám sadıqlıǵı menen húrmetke erisken marhum jolshı Shavkat Davlatyorovtıń shańaraǵına bardı. Marhumnıń atına Quran oqılıp, onıń ruwxına dua etildi. Uzaq jıllar dawamında jol infrastrukturasın rawajlandırıwǵa xızmet etken, pútkil ómirin usı tarawǵa baǵıshlaǵan insannıń esteligi tereń húrmet penen eske alındı. Sonday-aq, jol tarawında jumıs alıp barǵan veteran jolshılardıń halınan xabar alınıp, olardı 9-may – Eslew hám qádirlew kúni múnásibeti menen qutlıqladı. Veteranlar menen qızǵın sóylesiwler ótkerilip, olardıń miynet jolı joqarı bahalandı hám tán alındı.